عايد مرزوق العويس

تدري متى اضحك ولا يضحك القلب..؟؟؟
لو كنت متضايق و حولي شماتـه

اصرخ مثل ضامي ومايه قد انكــــب !!!

اتجرّع الحنضل و اصيح اش حلاته

و تدري متى اكره فلا حب وانحب !!!
لو حب قلبي واحد يحب ذاتــــه

و تدري متى يعجز من جروحي  الطب !؟؟
لو شفت رجل يسب امه و خواته !!!!

و تدري متى اشتاق للجلد والضرب !!!
لا اشتقت للوالد و ضربة عصاته !!

واليوم هب الشرقي وموت لا هب!!
ابكي على الماضي و طاهر صفاته

يا ناوي ٍ ع الغرب وش لك على الغرب
يا ما حلا المشرق بكل سيئاته

لا تترك الاحزان تكثر لك الكرب ....
اضحك بوجه الوقت تضحك لهاته

و ردد معي يا رب يا رب يا رب
افزع لعبد ٍ ما اهتنى في حياته