عايد مرزوق العويس

تنده وقلبي قبل صوتي يلبّيك
لبيه يا عشق ٍ جرى في عروقي

لااتقول وينك يالغلا وين اراضيك

شفني طريح افراش باحظان شوقي

من كثر ما ودي اشوفك واحاكيك
ودي احطك واخفيك وسط موقي

تقل السما و الغيم حزنان يبكيك
واتخالطت دمعاتي وغيم فوقي

عشق بدوي والقلب ملكك وبيديك
سلمت لك حالي و مالي ونوقي

لنّك كفو تستاهل العمر اعطيك
طاهر انيق و بالمحبه صدوقي

صافي حلا وافي غلا  في مباديك
نادر وكنّك منخلق حسب ذوقي

و الله يلو تطلبني الروح بتجيك
وشلون ابرفض وانت بيدك خفوقي

اوصيك في قلبيِ!ميحتاج اوصّيك!
ينبض بصدرك بالمسا و الشروقي