ابشّرك ماتت كل بقاياك في عيني
ولا عاد بي شيءٍ يمر في عناوينك
قِتلت القصيـد اللي لـذكراك يـنفيني
لجل ماتعيش الفرحه لحزني ف عينك
فلا خنتك ولــكن قــنعني نظر عيني
بأن يرسمك وانته تدرّس شياطينك
عشقتك كأنك آخر انسان يغليني
وعذّبتني كنّي بـقـايا عدوّيـنـك
كثر ما تمنّـيتـك تمنّيـت تنهيني
اقل حاجه ف قلبي تسنن سكاكينك
كثر ما كنت أفرح على نشدتك ويني
كثر ماتعذّبني وادورك في وينك
وقلبٍ عليك ايموت في ماضي اسنيني
قتلته بلا رحمه بثنتين كفّينك
ترفّعت حتى مايمس غيرك ايديني
نسيت انك الورده حياتك وسط طينك
حسبتك جبل قاسي تصد من يعاديني
لكنّك سحابه عابره من كثر لينك
ابرحل و يصرخ بي سؤالٍ يناديني
بأمر من حرقت القلب واكفرت في دينك
ليست هناك تعليقات:
إرسال تعليق