وين انروح ... فراتيه

و ين انولّي وين نروح
دنيا تنبض موت و نوح

الموت اصطف ع الطيبين
وابن الساقط عيب ايروح

كل ابواب الحسره امشرعه
و باب الفرحه ما مفتوح

تعشق والعشره تنباع
قلبك ينبض بس اجروح

تغدر؟ مو لايق لك تغدر
عيب و ابدا ما مسموح

تتغرب مو تشبع حرقه!!
والبلوه ما تقوى اتبوح

تبقى بدارك!!باقوا دارك
فخذك بفلاسك مفضوح

حتى الموت البيه نرتاح
جيناه غبشه بمركب نوح

كاتب لوحه فوق الباب
لهذا اليوم ما مفتوح

وين انولّي وين نروح