جيت لك مثل الطفل طاهر كذا
مندفع كلّي مَعَك لوِّك تَغيب
عاشقك طاهر وفي صادِق لِذا
كنت لك حضن الوَطَن يومِك غَريب
بالجِفا شِعرِي معَ طيفِك هَذَا
وان لفا شخصِك افِز والجو يطيب
اشهَقِك شَهقَة عمر نَفحَة شَذَا
وازفَرِك مثل الالَم بِيدَ الطبيب
كَم عَطا قَلبِي وَلا مَرّه خَذا؟
وان عَطا ما مَنَّها قَلبٍ رحيب
كنت لك وقت المَحَل مي وغَذا
وكنت لي طيحَة جِمَل غَدرَة نَصيب
احسِبَك وَافي لَكَن قَلبِك كذا
عشرِتَه يومين وايجَدَّد حَبيب
هِبّ يا حب هالزِّمَن كلّك اذا
يَرفَعِك شَعرَه ويِرميك المَشيب
ليست هناك تعليقات:
إرسال تعليق