لا تسأليني عن دموعي غدت وين
لا تسأليني وش بلا الحيل بـايد
(عايدك)ضيّع عقبك الزين والشين
حتى القصايد يا عنود القصايد
يوم المشاعر سافرت تطلب الدّين
في لحظةٍ تضحك عيون الشدايد
جن المعاني خاضعــه للمعادين
تنزع رباط الجاش تلبس قلايد
شافت غلا بعيون ناسٍ بعيدين
و راحت لهم بالعـيد حتّى تعايد
وجن القوافي تكثر الملح بالعين
غشيمةٍ ما تدري الأمر كايــــــد
حبيبتي روحي ماابي تردّيـن
اللي وصلني منك كافي و زايد
ليست هناك تعليقات:
إرسال تعليق