تعبت امـشي قفار العمر ادوّر قلب يسعـدني
عجزت اطوي مسافاتي بشوفة واحة احساسي
رحلت وما قدرت اسكـن هم الروح يطردني
شموخي راح بي ناس ٍ غربه ما هي بناسـي
يا أغلى الناس وين انت بعدك حزني قيّــدني
تعال و ما أظن قلبك يشبه للــــزمن قاســي
حبيب الرّوح خطواتي لو جيتك تبـــــعّدني
يا غايب لا تضل غايب تذكـــرني اوٍ ناسـي
كنت فعشرتك فرحان كل الناس تحسدني
ورغم الدمع فعيونك اشوفك شامخ ٍ راســي
يا غايب لا تضل غايب تعال اليوم عاهدنــي
حرام انك تلوعني و تشرب همّك ف كـــاسي
دخيلك لا تقول الهم سلطــــــــانه تسيـّــدنــي
انا ماني على كيـفك تراي احذرك باســـــي
حبيبي كانك ب تبعد اغيب و صعب تـوجدني
اسافر عالم ٍ عنّــــــك وادق ف بعدك اجراسـي
و اذا كانك تبي ترجع و وعد الله توعــــدني
اعيـش العمر في قربك واشيلك فوق من راسي
ليست هناك تعليقات:
إرسال تعليق