اتصدِّقي ولّا عسى ماتصدقين
احبّها واحب حتّى ثراها
لااتمثلّي انّك عليّه تغارين
دار المحبّه خافقك ما لفاها
هي اجبرت قلبٍ قسمتيه نصفيــن
هي من لقيـــــت الحب كلّـه معاها
ياما دجت دنياك واصبحت لك عين
ويوم ابلجت..عيني حرمتي ضياها
وياما تنوحي من عسر واصبح اللين
وانتي جروحي تبخلين ف دواها
خطّيت لك عمري قصيدة محبين
صفّق لها كل قلب مر وقراها
اصرخ جروح ولا عرفتي تلبّين
لبيـّه ياموت القلوب وغثاها
يعني أشب وانطفي ماتحسِّين
دخان نيران الجروح بسماها
تدرين وش تدرين لو بس تدريـن
واشلون احس براحتي في غلاها
يااحنينه!! اطمنّي لا تخافين
محبوبتي بالكون نادر وفاها
أبشرك نامي رغد لاتحاتين
مثل السما وافي وصادق هواها
ست العذوبه والغنج و المزايـين
منها الطهاره والحلا من حلاها
روحي وغيبي وابعدي عشرة سنين
عِـشرة ندم هيهات ابكي وراها
ليست هناك تعليقات:
إرسال تعليق