قال وينك

قال وينك قلت بدروب المفارق
قلت وينك قال في قلبك وغبك
قال ارجع دام نور الحب شارق
قلت اخاف الليل لو قربت أكبك
قلت ابحر قال أنا بعينيك غارق
قال أحبك قلت يابخت اليحبك
انت حبك كنه طبع الحب حارق
وانا بارد ..قال باحظاني مشبك
قلت عمري قاحل ياغصن وارق
قال أنا بستانك وصافي مصبك
قلت قلبي منكسر وين انت طارق
قال أنا قلبك و عنوانك وطبك
حتا قلبي بقته مني يحلا سارق
الحكم تسجن بقلبي شرع ربك
قلت انا بالغرب وانت بالمشارق
لو نخيت الريح ماجابتلي لبك
انت حسنك فاز بالقاب وبيارق
للنجوم تطيح لو غيمه تذبك
منين اشمك ونت كل مافيك فارق
منين اضمك ونت يلعببي مهبك
خاف أحبك يوم والبعده تفارق
اخسر افوادي اذا قررت احبك
قال اقحم مثل سهم الهم مارق
لا يضيع العمر و ايامك تسبك
مايجيك الغيث دامه عنك بارق
ولا يجي بالغوث خواف/ن تلببك