خسرت الكل يوم اني خسرته
وحب المزح جنَبت وهجرته
وطاحت اخر انجوم الاماني وجف الشعر لا مني ذكرتهنخيت الشمس تشرق في غيابه
مدام الليل بحر ٍ ما عبرته
كأن النوم حالف ما يجيني
ونام الليل في جفني سهرته
زمان اول احسب للشماته
لو يشوفون دمعي لو نثرته
و صار اليوم ما تفرق بعيني
و باب الصبر في بعده كسرته
كبر ذنب الظلام و مات ضيي
و ظبي الفرح هج وﻻ نحرته
حزن كل الشوارع واﻻماكن
ثقل خف الخطاوي بي شعرته
غريق الكون بعيونه بعيني
و وين الد نظراتي نظرته
تعتق شوق قلبي ما عتقني
وكأس الحزن صبيت و سكرته
سترت الحال و عيوني فضيحه
و خدي في دمع فقده حفرته
اصبر النفس بالشعر بغيابه
و صمت العمر بعده ما فطرته
حلفت الله ما اخون الموده
و لو يرجع بلا عذر ن عذرته
وحيد ابغربتي مااريد غيره
و لو بالعمر لحظات انتضرته
كبرت و هالزمن عينه صغيره
عزيز العمر بالغربه حقرته
حبيبي هو هنا واجمل سنيني
دعيت الله وجابه ثم شكرته
سحابه عشق امطر له سنيني
حبيبي وإن رجع بالحب غمرته
دفنت البير و جروح الملامه
و ذنبه سامحه ربي غفرته
و صوت الشوق مبحوح ٍ يغنَي
يطيب الدمع لا مني ذكرته
ليست هناك تعليقات:
إرسال تعليق