انكري كل ما تبينه

انكري كل ما تبينه ... انكري
                                 عن دروب الحب فلي واهجري
واكبري بجروحك بعين العذول
                                ولا عليك بعيني لحظه تصغري
وانزعي ثوب البراءة والحنان
                               عاري من الصدق .. لو تتستري
وش يفيد اللوم يا موت الضمير
                              برمضان الشوق والحب تفطري
واعتذر لو كان حكيي يجرحك
                                اغنجي فوق الجروح اتبختري
واضحكي حتى أحس الانهزام
                                واجمعيني حزن و إلا بعثري ..
و اشتليني بين ليلي و العذاب
                              باحصد الخيبه وهمي واسهري
اؤمني في قولة الحب الصدود
                             و بمقولة (الهوى قرب ) اكفري
ركزي خنجرك في وسط الصدر
                           حتى اقول الطعنه ماهي بظهري
وأن سألني عاذلي في يوم عنك
                              باخبره عن طير فارق دفتري
والبس الضحكه وارتّب ما بقى
                           وأفخر بنضجي بشيبات اشعري
وارجع أزرع حب وأسقيه الوفا
                            وارجع لنفسي و ارضا بِقْدري
وانفض غبار الألم و الانكسار
                            عل أذوق الشهد لو طال الشري