عنـــــــــــــــــــــــــاد

.                   

 شيفيد اﻻسف يا استاد     ضحايا و ما تلمها إعداد
شي ابضمد جرح عمري و يا جرح اليلجمه اضماد
تبدَت أجمل أيام العمر و جفني ع البواجي اعتاد
بس ﻻ تعتذر يا استاد    بس ﻻ تعتذر يا استاد 
اخويا اعناد ..
طفل اصغير عمره على العشر ما زاد
 ما يعرف شنو اﻻرهاب وﻻ يدري القنابل دمرت بغداد
اخويا اعناد
و بيوم من اﻻيام اجاني اللي يقول يا عايد دور اعناد
وقع صاروخ فوق الحي وما ضل حي  جثث رماد
و رحت أركض انا للبيت  الكل ميت  جثث ارماد
عن ايميني طفله امبتره الرجلين  و رجليها يمها موش أبعاد
و عن ايساري ثلاث اوﻻد .. بس روسهم بقت يا استاد
و اقبالي رجل متوسد جثة ابنه اوساد ....
 ...... يصيح الله وأكبر وين الرحم يا أمة الضاد
و بجنبه اخوي اعناد
طايح سابح بدمه اخوي اعناد
يصيح ايصيح الحقني يا عايد جروحي اشداد
حظنته و من الدمع ما اشوف
و هو ايصيح لي من الخوف
الحقني يا اخوي جروحي اشداد
أريد الحيل ما ضل حيل
غزاني مصابي مثل السيل
اركض و دروبي اللي يمي أبعاد
و صاح اوقف ياخي اوقف أحس بي اﻻلم يزداد
و قلت عناد ..
هسى يضمدك الدكتور و ترد تلعب مع اﻻوﻻد
هسى يشوفك الدكتور و  ترد تضحك مع اﻻوﻻد
بس اضحك ولك اضحك لا تهتم على جرحك
مو حيلي بدموعك باد
يبجي وقال
أريد ابوس ايد امي
وأريد اغفى بحظن ابوي الزين
يناديني ابن عمي
          القبلي انقتل من شهرين
قتله اسكت ولك بس عاد
مو حيلي ب دموعك باد
نظر لي و قال بس اوقف 
كل دم القلب َنشف...و احس بالموت واقف لي بعصا الجلاد
  قلت ﻻ ما اصدق ابحجيك .. طفل بعدك خضر دربك
بعد ما حان هالميعاد
يا طير الما تعرف أطير جريمه و عار من تنصاد
يا طير الما طلع لك ريش والله اكبر كفر تنصاد
و سكت ما رد علي اعناد
سكت ما رد علي اعناد
و جف شط العرب و الطيب و اهتزت أرض بغداد
شذنبه اعناد ليش يموت
مو بعده طفل بعده
شذنبه اعناد ليش يموت
شكثر قبله شكثر بعده
اعناد طفل من أطفال العرب واطفال العروبه اليوم كلها اعناد
كلها اعناد ..  كلها اعناد