ابوذيات

.

بحر حبَك كبير و ضاع ..     يمَه
وجرح حبك اخذني لغير...   يمه
افز بالليل اصرخ ليش ....   يمه
حبيب الروح ما جبتيه اليَه


كذب من قال اكرهنك  ... و املك
عيوني لو سكت قلبك   ...ومن لك
اذا تنشد منو   ربعك      و من لك
يفز قلبك ياشر لك عليه


وشيله

نفذ صبري و خلص و اعلن   ..   وشيله
على اللي لابس البرقع       ..     و شيله
تمنيت العشق طايح       ....  و اشيله
و اذبنه بقلب من خان بيَه


حبيبي من تمر الدار........ سلم
حرامات الحقد بايديك ...... سلم
غرورك لو صعد بك يوم  ...سلم
مرده يطيح و الطيحه قويه


اخذت من الزمان ادروس  ..... واطيت
و ابد ما يوم ايد و راس    ..... وطيت
بلاد هواي بعد جفاك      .......وطيت
مثل طيبك فلا مرت عليَه