عايد مرزوق العويس

مثل الطفل مشتاق حظن امه
               مشتاق لك و الدرب مو هيّن
دربي بعيد وناره امجمّه
               و ان قلت زان الحال يتشيّن

قلبي يلو اخفي ربع همه
                   في نظرتي الحزن شف بين
لو الزمن يخجل على دمه
                  سود الليالي معك ما عيّن

فيني غرامك جاب الامطمه
                قاسي ولين قلب ما لين
الحسن انته خاله و عمه
               ماانت بحاجه زين تتزين

خصرك لدغ كل من يمر يمه
             عاف الصلاة و جالك الديّن
يا بخت من يحظنك ويزمّه
             خصرٍ هدل من كرمٍ امتيّن

كرمك خمر ينجنّ من شمّه
            يسكرمعك  والخير قد عيّن
اللي حظى منك على ظمه
                حظه قعد ووزير يتعين