عايد مرزوق العويس

يأصورها بحرٍبه الحسن يغرق
                    من زينها احسها اليوم يمّي
مدري معاها أو عليها تدفق
              طفل الدمع ثم ضمها قبل ضمّي
حررّت فمّي من يدييّ وتوهق
                  اتقطعت احبال صوتي بفمّي
اتشابكت عبرات بالدمع الازرق
                 يم خدها وثارت مماليك غمّي
ياليت لو بعض الصور بس تنطق
              كان استراح القلب وانزاح همّي
لكنها جمرات خرسا وتحرق
             وايسيل فيها الشوق وايفور دمّي
يا زين هالصوره بس أن جيت للحق
            حتى الصور ماتاصل لزين امّي