عايد مرزوق العويس

يا قلبي اللي خوّن الوقت وياك
الحال شمع ابجمر الاحباب ذابت

عجزت قلوب الخلق اتحب شرواك

وكن النّسا بالحب مثلك م جابت

اللي هواك بيسر وابعسر خلاك

شعرة غرامه قصها وقول شابت

والوافي الصّافي معك دوم يهواك
موقعك في قلبه لو اتغيب ثابت

الحب مثل الغصن يزهر على ماك

لو كان في ارض الموافين نابت

والبرد ما جالك ولا حاش يمناك..

من نار شوقك ليلة البرد هابت

حب النقا قربك بقى ما تناساك

ما خاب به ظنك لو الناس خابت

كل غايته فرحك ويحلم بملقاك

حاضر ب عينه لو طواريك غابت

بين الضلوع العوج يبحر لمرساك
واجروح عمرك يوم ينصاك طابت

لولاك ما يفرح ولا عاش لولاك ..

ولولاه اوقاتك مع الحزن سابت

عايش على رجوا وصالك و لاماك

و روحه مع حبّك من الهم تابت

عايد مرزوق العويس _ ألمانيا