ماجيت متشمت ولا جيت جايع
ولا جيت بس دفعة بلا للمشاريه
جيتك وانا قلبي مسلّم وطايع
باللّي تريده حاضرٍ به واسوّيه
اشريك أنا مهما يقولون بايع
ياللّي حلاة العمر من تنوجد فيه
ماني مثل من هو يسوم البضايع
لجل التسلّي خالياتٍ مخابيه
غير الوفا ماشوف بي من طبايع
قلبي نصاك وطالبك لا تخلّيه
مافيه داعي سرّنا يكون ذايع
مابين خلق الله ترى السّتر نشريه
آبايعك وأبقا لموتي أبايع
وحدك مناة القلب وأغلا امانيه
مااحلا من السكر اذا كان مايع
غير أبتسامه ثم قولتك لبّيه
في غيبتك ماشوف غير اللّوايع
همٍ يجيب القلب وآخر يودّيه
كاني بدونك بعض الأيام ضايع
فانت بدوني عالمك تيه في تيه
ليست هناك تعليقات:
إرسال تعليق