عايد مرزوق العويس

ما الوم اللي طعنا في قفانا
                        بس الوم اللي فتح له هالمجال

ماالومه طير مايوصل سمانا
                        تبطي النـّفحات مااتهز الجبال
يابخيل الخلق وش عندك معانا
                      من بعد ليلك صباحات الوصال
اكذب احطب واشعل وزوّد بلانا
                       واختصر باجابتك في هالسؤال
وش يفيدك لو كثر باجر اسانا        
                       وش يفيدك يوم دمع العين سال
تشعل النيران في ساحة دمانا
                      ترجم الحب البريء بكف حلال
وانت يا محبوبنا منبع هوانا
                      وين عقلك عنك يا مال الهبــال
كنت اضنك عيدنا بالهم دوانا
                   واثر ماعنــدك سوى قيـل ٍ وقـال
اثقل اعقل فكّر شوي و توانا
                   وش يفيدك هم عضيدك والزوال
ماني ب لقطه ولا ميرالزمانا
                  و لاني ب شيخ ولا خير الرجال
عن دروب العيب كرّمنا لحانا
                  و الرجل فعله ترى مو بالجمال
و الله لو ابغى اميرة اقصرانا
                   ع اللي مثلي عيب ما قالو محال
انا ولد منيف عز الله نبانا
                     ما ندنّق هامة ٍ مثل الجبال
لا تركنا الشيء ما ننظر ورانا
                و لا هوينا انحب بحدود الخيال
انصون صاحبنا و لا خنّا خويانا
              و بالكرم مضروب بالبدو المثال
تدري وش تلقى اذا تحلل دمانا !!!!
              الوفى و الجود و اطباع الزلال