يا ليتني وياك والا بقربك

يا ليتني وياك والا بقربك
              واسكر مع انفاسك وخمرة شفاتك
أو ليت بيتي صاير"حول دربك
             أصبح وامسي ناضري في حلاتك
يا سحر عينك تذبح وحيل تربك
                 يا طيب قلبك والحلا في قساتك
اغرور!يطلع لك فريده بسربك
                 لو تطلبي روحي تناديك جاتك
مرّات من زود الوله ابغا ضربك
                  يوم اتغلي من عرفتي غلاتك
آنا معك يسرك اذا مر كربك
             شيطان شعرك والملاك بصلاتك
يا فتنة الاشعار محتاج شربك
              ريقي نشف والقلب مسهر وباتك
ابغاك من شرقك إلى حد غربك
             تنسي معي امك وابوك و خواتك
جيتك غلا جيتك وفا منبهر بك
            لقصا جنون العقل شاري رضاتك