يا بدر حزن القلب للقلب مقسوم

يا بدر حزن القلب للقلب مقسوم
               اضحك كذب والعيد يا عيد الايتام
العيد تحرير العرب من يد الروم
             واكلاب فارس والدواعش من الشام
والحال حال اللي عن الزاد محروم
               والشوق شوق اللي له سنين ما نام
والقلب قلب الأرض صابر ومالوم
               لو ينجرح ما صاح جرحه ولا لام
من كببر الغايات ما يقرب النوم
                  وما يحصد بدنياه زراع الاوهام
يا بدر انا بوصيك لا يلحقك لوم
             واقضب وصاتي تنجيك من الاعدام
القرب من ولد الخنا سيف مثلوم
               سيف" خشب قم قلطه لاهبل" سام
والاجودي مثل الذهب فإجزل السوم
                 خلك معه ضرغام تلقاه ضرغام
والشيخ من يفزع على ساير القوم
                  في حب ربعه شاخ والمجد قدام
مدة كريم"غير عن مدة ارخوم
                  واحد عطا بالسر وآخر للاعلام
والحظ باللي يحفظ الفرض والصوم
                       متبسم" دايم مع سود الايام
الطييب اللي يضحك ويبتسم دوم
                 الواثق اللي يعرف الحال ما دام
والبؤس والتنكيد والقر للبوم
                 أن قام همه قام وان طاح ما قام
والشعر لو ماكان بالجزل مختوم
              أحرق ورقه واحبسه حبر الاقلام
المال ما يفرج عن الضيق مهموم
           لي صار همك بين الاضلاع محتام
والفقر ما يبعد عن الجود زيزوم
                   دايم على مد الجزيلات قوام
شفني وانا خالك وانا احسن العوم
              ببحور صبري والمفارق والآلام
ما ذقت من خمر الردا كأس مسموم
            ولا خالطت ريح الغواني لي انسام
اشرب هموم واضحك وأكل اهموم
             واقطف من عذوق المواجع تبسام