لو بغيتي اتعيشي قربي جننّيني

لو بغيتي اتعيشي قربي جننّيني
                               وعقّليني واقتليني في هواك
اعطشيني في حنانك وارتويني
                           واجمعيني نجم منثور ف سماك
تاج راسك فوق ناسك علّقيني
                             احذف الدنيا و كلي من وراك
ازعجيني في وصالك واشغليني
                          في تفاصيل الهوى عن ذا و ذاك
الهوى لّذّته لو هزك حنيني . .
                           وحيرتك مابين اراضيك وسماك
منزلك يا منيتي بصبي عيني
                            كن ربي ما خلق أنس بحلاك
في غرامك مزهره قحط السنيني
                          وقبل اعرفك دنيتي لوحة هلاك
اسكنيني موطن بغربة جبيني
                            قرّبيني يا عسا عمري فداك
في جنون العشق يابنت اعشقيني
                        وازعلي حتى أحس قيمة رضاك
ضحكّيني حزّنيني شاغبيني. .
                              جفّفيني وامطريني في لقاك
عطّري بمواصلك راحة يديني
                            واسكبي بشفايفي خمرة شفاك
خلي صدرك فوق صدري واحرقيني
                        بجمرة انفاسك واذوب بك ومعاك
وانثري شعٍر حريرٍ واحتويني
                            في حنانك في غزلك وفي دفاك
وان بغيتي ترحلي لا اتعلميني
                           ارحلي من دون ماااحس بجفاك