شعرة غرامه

.

لو جاك محبوبك على طيب ناداك
و شموع شوقه في مفارقك ذابت

إقبل عليه و دلّعه عشق دنياك
دام الجروح بغيبته صدق طابت

وكانه لقا غيرك و حبه وخلاك
شعرة غرامه قصها قول شابت
ـــــــــــــــــــــــــــــــــ

الحب مثل الغصن يزهر على ماك
و حبك بقلبي يا غلا الروح نابت

والبرد ما جالك ولا مر يمناك..
من نار شوقك ليلة البرد هابت

حب النقا يبقى على الدوم وياك
والا الردى خاب و مساعيه خابت

وانت انت ياللي منية النفس ملقاك
حاضر بعيني لو طواريك غابت

بين الضلوع العوج ياشوق مرساك
موقعك في قلبي لو تغيب ثابت

لولاك ما صرنا ولا أكون لولاك ..
ولولاك ما يوم الهواجيس سابت

عايش على رجوا وصالك و لاماك
ولا أتوب من حبك لو الروح تابت