تصدّ و تطعن الخافق بصدّك

تصدّ وتطعن الخافق بصدّك
          وتتغلّى لأن تعرف أودّك

وودّك ما حوت وصفه قصايد
 معاليق الغلا تنبض بيدّك

تزل وتمتطي ظهر التّجافي؟
وحار العقل في مزحك وجدّك

خطيت بحقّ قلبي في صدودك
جزرت بوصلك من احتجت مدّك

تعاصفني همومي ما ترجل..
فؤادي عن فرس صبري بردّك

وحيدٍ منفرد في عرش قلبي
تهاوت كلّــــها مـــا فيه قدّك

ولكن يا بعد كل الحبايب
إلى ما هالجفا وليال صـــدّك

تعدّل وانظبط واعرف غلاتك
ترى من هو بناك أن راد هدك