دخلت لبيوت النقاء والمحبّه

دخلت لبيوت النقاء والمحبّه
                   ولقيتك الافضل اصيله نقيّه

سلمت لك قلبٍ يصونك بحبّه
              واهديت لك روحي وقلبي هديّه

لا يا بعد عايد وجرحه وطبّه
                في شوفتك قلبي يفز يالله حيّه

الصدر بس بعدك يزود مشبّه
               والوقت فرحه من تطلي عليّه

الدمع من زود الفرح صار صبّه
             و الحظ وفير" يوم صرتيه ليّه

كن حبنا شيخ" خشته المسبّه
             زود الوفا طهر و كفو حاتميّه

وكن حبنا شيخ"فلا خان ربّه
            حب" نقي ما مر ذنب وخطيّه

اخشا عليك من الهوا في مهبّه
              خبيتك بقلب و عيون" وفيّه

يأجمل غلا فاق الحلا والاحبّه
               مثلك فلا بين الملا جاذبيّه

اخذي عهد مني وعد ما تنبّه
               لو نبهوني منك كل البريّه

معك العمر فرحه يمر والذهب به
           حبك حشا بالدم مشا ياجوديّه

تبت كفوف البعد والشوق تبّه
           ثم تب طريق" مايجيبك عليه