جفن الغلا

ساح من جفن الغلا دمعات خدّه
            والحبيب يشوف دمع الشوق صافي
القمر خجلان من وقفتك ندّه
                من يلوم الشوق لي هز القوافي

يا مساهير ( الهوى ) ملعون جدّه
               يترك العاقل يدوس الجمر حافي
لي حبيب ٍ غايب من ايام عدّه
                ساكن انفاسي و يشربني عوافي

بح صوت القلب من كثر المودّه
              امتطي ظهر السهر والزين غافي
ادعي الله يحفظه ليّه ..... يردّه
         و اشعل شموع الصبر و العمر طافي
الفرح باب ٍ و بغيابه اسدّه
                    و الشماته تستمع و الله كافي

مثل طفل الفقر في عيد ٍ و يدّه
                  فارغه مافيها لو فلس ٍ يشافي
ينظر الاطفال تلعب واهو ودّه
                    مير حمل ابوه بيهد الكتافي
عز نفسه عن طلبه و راح جدّه
                 مير جده طايح و فقره خرافي

كن حالي كوخ والقشرا تهده
              والفقر كالموت  للرجل  السنافي
يوم غاب و دمعتي فوق المخدّه
                  دمعة موافي على فرقا موافي