صفاتي دون نقص و زياده

طيب اذا تقوين يا ( نور )عدّي
                                        هاذي صفاتي دون نقص وزياده
انا الحنين اللي سلك درب جدّي
                                         وانا الجنين اللي دفن في مهاده
وانا النقاء اللي رسم وجه ودّي
                                          وانا الذي موّت ليحيا وداده
وانا الوفا واقطع اذا اتخون يدّي
                                       وانا الغريب المغترب في بلاده
طبع الشعر يفضح تفاصيل سدّي
                                      زرع العمر لا ماهتنيت بحصاده
مثل الاسد بآكل فقط تعب كدّي
                                        متعود من الصغر دنيا الجلاده
اغرست كفيني بعين التحدّي
                                     وحرست قلبي من حروب الاباده
ماقول متفرد وﻻ فيه نـدّي
                                      سوّيت من لاشي ونلت السياده
ثوب الفرح ما جا يلو يوم قدّي
                                  وان جا يجي غلطه على غير عاده
كبير بحزاني و ابي حزن قدّي
                                    موطن الم واشواق بعد ونكاده
مابعت اسلامي وانا الكون ضدّي
                                         متمسك بديني وحلو العباده
اضحك رغم انفي و للفم حدّي
                                       ماتوصل لقلبي تخاف السّعاده
تشتد بي الضيقه وانا قول شدّي
                                           مؤمن انا بالله و كلّي اراده
ما استحي من لعب دمعات خدّي
                                            ما دامها لله ما هي ل غاده