جذع الحنين

 العمر قفى ولاضل شيء يغريني
                     هزيت جذع الحنين وطاحت اشواقي
طبع البداوه تعشعش في شراييني
                        اطرد ورا حلم  لين انباقت انياقي
عشرين ضاعت وماادري في ثلاثيني!
                          ذابت مع نجم ليل ٍ كحل احداقي
تعبان من غربتي والشوق ياذيني
                         وش راحتي في زمان ٍ قيّد اوثاقي
واصيح ويني و رد الصوت انا ويني
                        من جمر شوقي أحس الثلج حرَاقي
من يخمد البرد في صدري ويحييني
                      أو يسكن الريح قبل اتبعثر اوراقي ؟
من يعتق الحب في قلبي ويرويني
                      ينهي شتاتي ويجمع عمري الباقي؟
من ينقذ الحلم قبل ايموت في عيني؟
                  أو يطرد الخوف يوم استوطن اعماقي؟
من يخبر الفرح عن مخبأ عناويني؟
                      وأعطيه قلب ٍ صدوق ٍ وافي ٍ راقي..
..قلب ابدوي ما خبرته خان بسنيني
                    نبضه كويتي و دمه جيرمن اعراقي