فص عقيق

.

لقلوبكم  الود و الزعفران ..
https://www.youtube.com/watch?v=CdHV96Ovujc

فص عقيق ....
>>>>>>>>>

الطريق اللي مشيته مو طريق       
ولا يودي غير لدروب الهلاك
ما يلـيـق البّـعـد مـنّـك ما يليق    
  كيف تهجرني وانا ارجى لقاك
 
ما يطيق القلب بعدك لو تطيق      
ولا تـخـيّل كـيـف هالدنيا بلاك
ليـت تـقـدر بالحشا مـره تويق     
  كان تعرف وشكثر شايل غلاك

كنت وحدي يوم من حولك فريق    
 وين ما لــديّــتــها عـيـني تراك
ما سكن بالـناّر خـمّـاد الـحريق      
لين ما كــلّي تغرب بي هـواك

ما عشقتك فص في خاتم عقيق       
ولاشربتك رشفة ٍ تغري ضماك
جيتلك عاشق وكل مابي عشيق        
يعـشق الكلمه قبل تنطق شفاك

كم رخصبك عاذل ولاش وصديق    
مير قلبي باع كل شيء و شراك
ليت هـجـرك حـلـم ٍ و منه افيق        
 مـا بقى لي شيء بالدنيا سواك

كل حدود الوصف بوصوفك تضيق  
 يكفي ان الزين ماخذ من حلاك
الادب و الدل و الطبع الرقيق        
   و الاناقه ساكنه داخل دماك

اطلب الله دايم حجاجك طليق        
و السعاده وين ما تمشي معاك
و ان وقف ما بيينا سلم ٍ عتيق          
 مو خطاي ولا اظن انه  خطاك

خذ كلام انسان من حق و حقيق
ايش  في دنياك يستاهل جفاك
البحر لو ينسأل ذنب الغريق
  كان كل ٍ ما غرق لا ذا و ذاك
كل جرح ايطيب لو انه غميق
الا جرح البعد يوصل للهلاك
https://www.youtube.com/watch?v=CdHV96Ovujc