عايد مرزوق العويس

ياللي حياتي معك كانت جميله                            
                              اسنين عز ٍ ما بها كل هواني

عين الشعر بعدك ضريره هميله                        
                            مااتشوف حسن ٍفيه حلوالمعاني

سود الليالي في غيابك طويله                           
                             والعين يضحك دمعها للزماني

من غيبتك و القلب جثّه قتيله    
                           واسمك دقيقه مانزل عن لساني

كنت احسب ان فرقتك فتره قليله                 
                              الين ما عمري قطاره جزاني

انا اللي اول كنت سيف القبيله       
                                 اليوم لو قام الصغيّر لواني

ضاعت حياتي بين يوم ٍ و ليله      
                             ولالقيت افراح عمري واماني

اثر الليالي بالسعاده بخيله      
                             والفرح وان جا مايطوّل ثواني

واثر المحبه تفقد الشخص حيله      
                        والقلب وان حب مايحب نوب ثاني