طبع البشر يا صاحبي يغلي باليه

طبع الوفي ماخان حبّه وغاليه
                          وقدمه بدرب النار دوم تحفّا
تقفي به الدنيا و تبعد خطاويه
                             لا مقفي ٍ همه ولا الهم قفّا
مثلي مع  قلبي عسى الله يشفيه
                       عايش على طاري غرام ٍ توفّايرجف ليا جابو حبيبي وطاريه
                     وعلى لهيب الشوق صدري تدفا
واحطب ضلوعه للجمر باتدفى حبست دمعي لين يرجع مواليه
                      و جفني نسيته مااذكره يوم غفّا
كثر الفراغ اللي ملأ الكون شاريه
                         وكثر الهموم اللي وراه اتخفّا
كثر الحزن و الأه والوين و الليه
                         ونيران شوق ابغيبته ما تطفّا
اعشقه واحلم فيه وارجاه وابغيه
                        والفي بصبر لشوفته ماايتلفّى
يحسب محا صوته وجرّة خطاويه
                         مايدري ان طيفه وفيٍ و كفّا
لي من لفا طيفه امرحب والبيّه
                            لبّيه يا درالسّنين المصفّا
ياالله ارحم عبدك وخذ باياديه
                   و ارحم خفوقٍ صان عشقه ووفّا
يا ربي ما لي رب غيرك اناجيه
                          لا تترك الشمّات فيّه اتشّفا