جاي تعتب .. شعر شعبي عراقي

جديــــــد ...
http://www.youtube.com/watch?v=SUtqaJxVzlQ

جاي تعتب شعر شعبي عراقي
.
اهداء الى كل من يحب الشعر الفراتي الشعبي العراقي
+++++++++++++++++++++++++++++++

جاي تعتب ؟؟؟
________


جاي تعتب جايني اتكمل الجروح .... وينك انت عن عمر آهاتي

اتوسلت بيك انه ترجع لا تروح ..... ولا اسمعت الا صدى صرخاتي

جاي تعتب ؟؟؟ العتب بالله اشيفيد ... هم يطفّي ناري و حسراتي

انه جم ليله الطحت من شوقي الك !!!ما شفتني شبيك يا مرآتي؟؟

قالو ان وجهك طلع فوق القمر .... بخيط ليلي علقت نظراتي ؟؟؟

و جاي تعتب ؟؟؟

انا احبك يعني كنت انه اعيش ... ليش تحفر قبري و مأساتي ؟؟؟

امتطيت الصبر من حبي الك .... و اخنقت بايديك كل نسماتي !!!!

جاي تبجي ؟؟ ابجي وْ ريّح الضمير ..... حتى تعرف حرقتي بدمعاتي

انا ما اشمت لــــدمعك يالعزيز .... انت فرحة ماضي عمري الآتي

انت ورده اتنفست حب و طغت .....مزّقتني و بخّرت قطراتي

حك مصباح العتب بلجي يعود .... جنّي شعري و اشتعل بابياتي

لاكن اشتنطر يرد ذاك اللي راح ؟؟؟ و لو يرد ما سوّي ذيج اسواتي

جنت من تغلط بحقي اعتذر .....جنت اكره هجرك ل لحظاتي

و جنت من اتمر على لو بالحلم .... يزيد نبضي و ترتجف خطواتي ...

و جنت اسمعك تمدح بغيري و تذم ...... حبي و شوقي و كل لهفاتي

و جنت قاسي مغتر بحبي الك ..... و جنت حلمي و فرحتي و غاياتي

العيد ما يتسمى عيد بغيبتك ...... بس عيدك كان في غيباتي !!؟؟؟

جنت ادور وين طيفك حتى انام ...... و جنت متوسد لي كل صفناتي

فارش افكاري اعلى دربك ما نسيت ... بوجه عدوانك اشن ثوراتي

هسى راجع ؟؟؟ تشتكي من الجروح ...... رووح للعذال و لشماتي ...

ماافيدك انه جثه بلايه روح ..... ......قررت ما احب و احب بس ذاتي


عايد مرزوق العويس - المانيا