دريت الموت بدروبك يا غالي

دريت الموت بدروبك يا غالي
                      ولكن عمري لاجلك ما هو غالي
قدر عمري غريب احيا سنينـي
                       وحيد ف حسرتـي اوّل و تالــي

غريب مْفارق اهلي و الحبايــب
                         و حبّك فرحتي و كل ما بقالي
تبسّم خل شمس الصبح تشرق
                         دموعك تغرب بفرح الليالــي

حبيبي و العمر رحله قصيره
                              تعال نعيشها يا بعد حالي
  تبسّم وش تبي بدموع عيني
                              امانه لا تهـم للي جرالي

مريض ومن يمر طيفك اهلَي
                         تطيب جروحي ويرتاح بالي
و احس اني ملكت الكون كلـّه
                            اذا كلمتني لحظه  يا غالـي
عجل وشلون لو لحظات اشوفك
                          و اكلمك وانت تتبسم قبالي