لذة الصمت

جميل الصبح يوم انه تلفت في تفاصيلك
            وجابك يمنا مدري خفوق الحب هو جالك

ياميرالذوق والهيبه وعطر الصبح ترتيلك
                كلام النور يوم انه يغازل ليلي الحالك

هلا يا لذة الصمت بعيون ٍ بس تنادي لك
              هلا يا نكهة الطيبه ونرجس فيك يغتالك

هلا بك يا براد القلب ملهوف لعطش سيلك
                دخيلك لا تطرّي بعد فال الله ولا فالك

اقول المال بالغربه وطن وتقول شد حيلك
        وصير اوطاني وعمري وقلب وروح تحيالك

تنام طيوفك بعيني واغازل ضي قنديلك
         وعانق بالامل حرفك وطير بشوق مرسالك

يزين الشعر بقدومك رغم صرخة مواويلك
         امانه لا تغيب ارجوك وافتح حظر تجوالك

وجول بقلبي و روحي  لتعرف كيف حبي لك
         مثل موجه على صخره تكسرني على جالك