ملمس حرير
******************
http://www.youtube.com/watch?v=kCkW2MlTiic
جيت لك و الدرب اشواك و خطير
احضن احلامك بعيني و اسهرك
جيت لك و ادري بان حظّي كسير
و قلت يا حظّي بهالحب باجبرك
كنت لي اول و انا كنت الاخير
( كنت عمري و انا طير بدفترك )
يعني حبي كان احلام و مصير
و يعني حبك كان غيمه تمطرك
ايه احبك و ادري انه ما يصير
و لو يصير اربحك والله ما اخسرك
يا صغر هالكون دام الحب كبير
و يا ما اقل همّي معاك و ما اكثرك
اتغزّل في حسن غيرك ب اثير ...
غيرتك علّي حبيبي باقهرك ^_^
نفسي اشعر في غرامك يا مثير
و تفضح اشواقك و اجيك و استرك
نفسي ابحر لين اغرق بالنظير
واجمعك فرحه و فيّه بانـــــثرك
كيف اوصفك وانت يا ملمس حرير
جل من باحسن صفات ٍ صوّرك
مملكة احساس مع هيبة امير
مع بساطة ابن فقر ٍ ما اندرك !!
مسأله و جوابها العالم يحير
و كان تغتر يا حبيبي باعذرك
فاحت ازهارك بقلبي بالعبير ....
و باجحد ايامي حبيبي و اشكرك
جيت لك و الدرب اشواك و خطير
باحضن احلامك بعيني و اسهرك
عايد مرزوق العويس - المانيا
ليست هناك تعليقات:
إرسال تعليق