النور

اتت باشعة من الدفء و الطيبه تنشد من هو هذا الغامض

ف صمتت و نطقت عني الحروف


..
شيء منــــــي ...

طيب اذا تقوين يا ( النور ) عدّي .....

هذه صفاتي دون نقص و زياده

انا الحنين اللي سلك درب جدّي ..

و انا الجنين اللي اندفن في مهاده

و انا النقاء اللي رسم وجه ودّي.....

و انا اللي موّت لاجل يحيا وداده

و انا الوفاء و اقطع اذا اتخون يدّي...

و انا الغريب اللي سكنت به بلاده

وانا الشعر يفضح تفاصيل سدّي ....

زرعت عمري وضاع غربه حصاده

مثل الاسد آكل من تعب كــدّي .....

متعود من الصغر دنـــيا الجلاده

غرست كفيني بعين التحدّي

و حرست قلبي من حروب الاباده

ماقول انه بالبشر ماكو نــــــدّي

سوّيت من لاشيء قصر و سياده

ثوب الفرح ما جاء و لا مرّه قدّي ...

وان جا يجي غلطه على غير عاده

كبير باحزاني و ابي من هو قدّي !!!

موطن الم و اشواق غربه و نكاده

مابعت اسلامي وانا الكون ضدّي ...

متمسك ب ديني و حلو العباده

اضحك رغم انفي و للفم حدّي .....

ما توصل لقلبي تخاف السّعاده

تشتد بي الضيقه و اناديها شدّي ....

مــؤمن انا ب ربي و كلّــي اراده

ما استحي من لعب دمعات خدّي ...

ما دامها لله ما هي ل غاده


عايد مرزوق العويس - المانيا