فرحة ايامي
حبيبي و الغلا كله و عمرٍ صار له ممنون --
ملكني دون لا ادري الين أصبحت مجنونه
فتني صج ما أنكر و هو مثلي بعد مفتون -
اقوم ارجف اذا شفته ووجهه ينخطف لونه
كثير عْيون مرت بي من اجمل ما لمحت عْيون
و لكن ما رأت عيني جمالٍ في حلا عيونه
أحبه ما يكفيني اعشـــقه آه لو تـــــدرون
غرامه ساكن ف دمي اشوفــه ما تشوفونه
عطيته كل ما عندي قصيدٍ به امل وشجون
و دمعٍ كل ما عزّه رخــص لعيون مظنونه
وهو مثلي بعد و اكثر يحسب للعدا يحكون
يدوّر للغلا وينه لأجل يحميه ويصونـه
و لحدٍ حاسب الثاني علامك وشتبي وشلون
نعرف ان الهوى فينا عزيز ونرفض نخونه
حبيبي فرحة ايامي واغلى ما معي بالكون
عسى الله لا يفرقنا ترى ما عيش من دونه
عايد مرزوق العويس -المانيا
ليست هناك تعليقات:
إرسال تعليق