خـــــــــــــالـــــــــد
ياللي تبي للمجد صورة براهـيــن
هاك إنظر اللوحات في موت خالد
خالد صغير ومابعد صار عشرين
لـكن تُـوفى و صار بالناس خالـد
من نـادتـه داره و لبّى تمونيــــن
فداك عمر و روح و عيون خالد
كن المشاعر تشطر القلب نصّين
محد ٍ مصدِّق من سمع موت خالد
و كن القصايد تشتكي غدرة البين
و كن القوافي تْوحدة باسم خـالــد
و كن الثّواني صارت الليله سْنين
و كنِّي مع الاحزان يالله خـالد
الله وأكبر كيف هي تصبر الحين
أُميمته من سمعة ف موت خالد
كنِّي بها من تندب الطالع الشين
بالعيد من جااها خبر موت خالد
حلم ٍ لها كانت في شوفة الـزين
كانت تجهّز حالها لْـعرس خالد
يا عين صبِّي دم مو دمع يا عين
عل الدموع اتهوِّن فراق خــــالد
الحلم مات و ما وصل ديرة العين
لكن عزاي إنَّه يضل دوم خالد
ليست هناك تعليقات:
إرسال تعليق