ما قصدت اجرح شعورك صدقيني
ادري ان قلبك كبير وراح ينســــى
كل هم ٍ قد تسبب من يدينـــــي
قرّبي مني و قولي ما تبينـــــه
و ابي منك يا مناتي تـفهيــــني
من الهوى اغار من يلعب بشعرك
و حتى روحي من تشاركني حنيني
و صدقينـي لو ما انتي عزيـــزه
مارجعت اليوم وارجو تسامحيني
و اجرحيني يا حلاة الجرح منك
و كان ترضين بجروحي اجرحيـني
و ما الومك لو زعلتي او حكيتي
ما تبي شوفـي او انك تكرهيني
حتى لو قلتي اذا ميّت اشــوفك
لا تضن لأجلك تذل الدمـع عيني
ما الـومك ان حكيتي ما حكيتي
بس ودّي قبل مأمشي تسمعيني
أعترف إني غلطت بحق قلبـك
وحق لك ارضيك وحقي تعذريني
آتمنى نعود مثل اول حبـايب
مثل ما كــــنّا قبل ما أتخاصميني
و الله إني ما ارد و اطْلب سماحك
لو صحيح اعـرف بانك ما تبيني
ليست هناك تعليقات:
إرسال تعليق