لي حبيب ًراحتي في راحتينه
                      عايشه عشق وغلا من مات فيني
  كم تغرّب لجل عيني في سنينه                      
                    وصار لي اجمل قدر مر ف جبيني
 من حفظ فرحة حياتي في يمينه
                   بحفظه في خافقي و ف ناظريني
في غيابه حاضر ب قلبي عوينه
                      تقل امّه ادع له وهو الجنيني
 لو رسمت الموق في لوحة مدينه
                كل حقول الفقد تروى من حنيني
وان لجمت الشوق في ليل السكينه
                   ما تقول الا صباح اموادعيني  
وان نظمت من الجزل في حور عينه
                   ما كتمت الا غلا بينه و بيني
بك تثاوب جرح قلبي يا ظنينه
                لك تعب جفني ونام الصبح فيني
احتويتك يا صبر بي صاح وينه 
                  هالفضا ضاق وعجز ﻻ يحتويني
ورد عمري في غيابه ورد زينه
                    والالم ذيبٍ غدر في خطوتيني
اسال المرفأ عن احظان السفينه
                 من يوقف شوق ممتد طول عيني
شوفته رجعة غريب لوالدينه
                   اغفر ذنوب الجفا ...لما يجيني
لان اخاف الدمع يجرح وجنتينه
                البس الضحكات ﻻ دمعي يبيني
اي انا شاعره واول معجبينه
               ولا يهم لو صار مو من معجبيني
ها حبيبي ..والقصايد مو حزينه !!
             مير جذع الخوف جذَر وسط طيني
كم تعبت من السفر والغربه شينه
                 و العمر حذفة عصا في ناظريني

لو قال الله ..تبعدي
واحلامنا صارت حطام

واخترت دربٍ جرهدي

ما عشعش بغصنه حمام

ودمعك جرح خدٍ ندي
واسرف بنا ليل الخصام

ثم ضاق صدرك ياابعدي

وابعبرتك مات الكلام

ولا حولك انسان اجودي

ايداوي اجروح الغرام

اتخيل ايديك ف يدي

وارسمني بجنبك ونام

يا واحدٍ هانت لجل خاطره ناس
وعلّيت في عيني وقلبي رصيده

اللي كتمته داخلي كتم الانفاس
مليت وانا امدح غلاه واعيده

يا كم فرشت لجيته جوري وياس

وهليت به والد رجع له فقيده

ويا كم شربت المر والبال محتاس
وذليت في بعده  دموعٍ عنيده

حرٍّ اصيل و للموافين نوماس
وقت اللقا كلٍّ فخر به عضيده

عن لاهب الوحده وخوف التيباس
ظلّيت عمري في جناين وعيده

 لان الغلا بالقلب يلغي لك الراس
 خلّيت عقلي يوم قلبي يريده

ولان الغلا طاهر نقي صادق احساس
قلّيت من طرد الحزن والطريده

بالمختصر يا سالف العمر لاباس
ولّيت يا عمر الشقا والمكيده

 هذا المنا والحب ذوّاق حساس
شلّيت قلبي له وعمري  قصيده

لا تتركي بيننا حاجز
دام المشاعر ينادونك

طلي على قلبي العاجز
واروي ضما عين مفتونك

كسر باب الصبرواظلم نهاره
          ورجف غصن الهدوء وطار طير

طير اسود باق في نصف استداره..
          ..نصف وجه الكون والقلب البصير
شرب دم انتشر في كل حاره
                  ياكل اكبود و يجفّف كل غدير
 ثم قتل كل من رفض حكم الاماره
              وسرب غربانه غدت بالجو تطير
وانتفض صقر الجزيره مع حراره
                  الاميره ما رضت غير الامير
كل غرابٍ عاد تابوتٍ لداره
                وانكسر كل خاين و مجرم اجير
مايضيع اللي رضا بالاستشاره
                      والطويله ما تبي بالٍ قصير
والصراحه ما شرت لك لو زقاره
                   والمجامل ييسر الأمر العسير
والنفاق يجيب لك مال وعماره
                   في زمانٍ يحسب الطاهرفقير
في زمانٍ صارت الطعنه شطاره
                    يكرم الخاين وينهان العشير
والادب ما به ادب صاير اثاره
                  والشعر قل و كثر قول الشعير

تب تذوق الشهد لو ذقت المراره
                  بير لو غمقت جرحه زاد خير

يقصد الخايب على شوشو وساره
               والوطن بالحرب واصوابه خطير
العناكب تبني بيوت الدعاره
                   والفتن و الكره والخبث الكثير
والوفي دايم مكانه بالصداره
                   موضعه ثابت يلو مهما يصير
يقحم العليا بطل رمز النعاره
                       يعربي الدم في وقت النفير
وآنه جندي مغترب ما باع داره
                  ع العدا شعري كما سيلٍ غزير
اطلع بغاره على خاين دياره
                 البيوت ارصاص نار و زمهرير
وادبك بصدر الردي دبك العماره
                   لو رجعت بغارة الشطر الاخير
قالو أن النار مبداها شراره
                      قلت سوط الحق مجلد للحمير
نطرد الخاين ونقطع له مساره
                   نقطع الهجمه مع السيف الشطير
من يعين العدو قتله مو خساره
                       بايع الذّمة و ملعون الضمير
خبرو كلب المجوس يرد غاره
                   دون ارض ابلادنا موت وسعير
والله ان يبطون ماخاذو حجاره
                            دام منا باقيٍ طفلٍ صغير
دولة الباطل مهي دوله (سفاره)
                    للكفر والجحش والحزب الحقير
من رضى حكم الدّواعش في قراره
                        غادي بفكره وله رايٍ غرير
ثلج صبري ذاب وبصدري حراره
                 والوطن لا ضاع ضيّعت المصير
سنه وشيعه حما دار الطهاره
                      والشعب واعي و لا يتبع حقير

.
محل صدرٍ و جف عمرٍ تهالك
         ومن قحط الجفن دمعي تبزّل
وشع حبك على قلبٍ حيا لك
          يمن شعري على حبك تنزّل

وجيتي تاخذي قلبي حلالك
         محل اخر حزن بيديك عزّل
تقولي بي تغزّل و ف سؤالك
          وقف مغزل لساني ماتغزّل

يطيح الوصف لو يلمح جمالك
            يهيبة قمة الشعر المجزّل
نحيف الخصر لكنه تمالك
        حمل عذقٍ من الرمان هزّل

وشعرٍ انتثر كالليل حالك
       حظن ردفٍ مثل افعى ترزّل
يشوفك كافرويسلم قبالك
       وشيخ الحي في حسنك تغزّل 

اصيله والردى يخشى خيالك
         عجز لا ياصلك ذيبٍ تقزل
سوادك طاهر وحتى رمالك
        تطهّر من قدم خشفٍ تخزّل
يبخته من تروى في زلالك
         تهنى لو حزن صدره تأزّل

عارف ان الحزن مو لايق عليك؟
والشعر له نكهة العـــــــيد بلقاك

هات ما عندك سوالف نحتريك
غايــبٍ يومين و الخاطر لقاك

اقلط بصدري غلا ولهان ابيك
القصايد ميته تحيا معاك

دامني شاريك والاحلام  فيك
بايع الدنيا لجل اكسب رضاك