عايد مرزوق العويس

الأحد، 27 مايو، 2012

الجمعة، 25 مايو، 2012

ماهي كبيره يااا وطن وانت ذمّه ..

برقابنا تبقى و لو الدهر مـــــــال

انت ابو هالطيب و للجود عمّــــه

علّمت شمس الصبح ماتصبح ظلال

لو افسدو جوّك مسك ٍ نشمّــــــــه

لو دمروك تعيش بهيبة اجبــــــــال

قمّة جبل و ان طاحت اصخوره قمّه

كلنا فداك اليوم نسوان و ارجــال

عراق . و كل ضلع ٍ نثرته تلمّـه

تقسى علينا و نرجع بقلب الاطفال

ماحد ٍ سواك اللي ترابه نظمّـــــه

و نسكر به لانه مرتوي دم الابطال

اللي نواك بسوء حي ٍ نطمّــــــه

حنا العرب لطّامة الفرس و العال

تبقى العراق و كل طيّب تـزمّـه

و بكره نصفّي دارنا من الانذال

عايد مرزوق العويس

الخميس، 10 مايو، 2012

وشم العذاب

ليت الزمن يا قفاوي يعود بي ليله

و الله لارد الجروح و كل طــعناتــــك

و اعلمك بالهوى لعناته و ويــــــلـه

واشد قلبي واعوفك تشكي آهاتك

و اتركك مثلي غريق ٍ فاقد ٍ حيله

لا فكر عندك و حزنك حاصر اوقاتـــك

و امحي كتاب الغلا وانسيك ترتيله

و اوشّمك بالعذاب بكل جزيئـــاتــــك

واجمع ضمايه معك و اسقيك من سيله

و انسيك طعم الفرح وازيد حسراتك

لكن اخاف ان رجع الوقت في ليلـه

يلين قلبي واطيح ان شفت دمعاتك

و هذا بلايه خفوق ٍ سلّمك خيله

ما يعرفك حاقد ٍ و اتحب بس ذاتك

أبيع الناس لخاطر عيونـــــــك

وانت فقربي ولا انت ف قربي

صنت الحب و قلبي يصونـــك

جيتك ظامي وشوفتك شربي

صنت اعداي .. معقوله اخونك

خنت الروح لو خنتك و ربـّـي

و لكن يالغلا ما أقوى طعونك

فلا اتزوّد لي يالمحبوب كربي

اريد اكثر من كيفـــــك ولونك

هلا بك مرحبا نوّرت دربي

اريد ارقد و اصحى في عيونك

و جوّك حاضن اشواقي و سربي

الجمعة، 4 مايو، 2012

يــــا بـــــــــــــــــــــــــــــــــــــــــوي

÷÷÷÷÷÷÷÷÷÷÷÷÷÷÷÷÷÷÷÷÷÷

يا بوي هاض الجرح و حيلنا باد ...

و الجرح توّه اخضر و ناره تقـيــــد

في يوم فقدك يا يبه موتي ميلاد ...

و الحال ضاع الحال و صبري مايفيد

عدى العمر و القلب والله بحداد

و القلب ما مرتاح يا ريحة العيد

مرحوم ياتاج الرجاجيل الاجواد

مرحوم يا عون الضعاف المقاريد

مرحوم يا اللي للكرم صيت و بلاد

يالله عسى قبرك جنان و تغاريد

عايد مرزوق العويس - المانيا

وصيتي

الحال واقف و العمر يركض اركـــوض

و احلى الفرص يا دار ضاعت علينه

طير الفرح في دنيتي صار مقروض

و الوقت من صغري قالب لي عينه

حظي فقير ٍ وان ندهتوني محظوظ

والا الهنا يا ناس وينـــي و وينــــــه

الفرح شعره و الحزن سيل ٍ ف نوض

و العيد عندي طفل باقـــو سنينه

للدمع بعيوني مجاهيم ٍ و نوض

و للحب في قلبي سوالف حزينه

و للشوق بعمري محطّات واعروض

و لصبر روحي كْنوز تبقى دفينه

نفسي اجفلتني غربه وصعبه اتروض

و قلبي غريق و جاه همّه سفينه !!!

لو الغلا يادار للبيــــع معــــــــروض

فانتي لي الالماس و درّه ثمينه

مفروض حبك داخل القلب مفروض

تسرين في دمه واظن تخبرينه !!

لكنها من صارت الليـــله احظوظ

عرفت مأيشوفــــــــــك عايد بعينه

وصيتي لو مت وان كنت في روض !!

ردّوني لصحراء العرب و السّكــينـه

يا ديرتي يا ديرة ٍ عنّك اتعـــــوض

اموت ما ارضى بغيرك مديــــنـــــه

عايد مرزوق العويس _ المانيا

نار حبك

خربشات عاشق ثمل بالشوق ... على صدر اوراق الزيزفون توضأت بالنور

اليك في غيابك ...

يااااااا ايتها المراه التي تزرعني بين ثنايا الموت و جرف الاعصار

و تغتالني حبا بدويا و تقطف من شفتاي الافكار

و تغزوني شوقا جبارا يمزقني بكل وحشية التتار

يااا امرأة تعلمني كيف اغوص

و اسرق من شفتيها اللؤلؤ و المحار

و ابحر في عينيها و انا اجهل فن الابحار

يااا امراة تعلمني العشق و تجهلني كيف اغار

خذيني بعيدا عن همي

و عن دنيا الاشرار

و ازرعيني عشقا عذريا

في قلب الاسرار

احبك جدا جدا

جدا

و قلبي منهار

و روحي تسير طريق الشوق

و دمعي مدرار

ياامراة تقفز فوق جدران الصدر بسحر الاشعار

و تتقن كل لغات العشق و صمت الاسوار

تبلعني كشفاة حوت الصبر و ترويني كالاشجار

يااامراة تنبض طيبا

عشق

شرا

ثلجا

ناااااااااااااااااااااااااااااااااااااااااااااااااااااااار

من انتي

برب البيت

من انتي

قلبي و عقلي و كلي احتار

كوني لي او كما شاتي

كوني

الذنب و الاعذار

اقتليني بخنجر بعدك

اقتليني

لالالالالالالالالالالالالالالالا

للحياه اتركيني

حتى ابرأكي من دمي

ثم انهيني

فاني لم ابدأ

حب الثوار

و لم اعرف معنى الهزيمه

الا في معركة حبّك الجبار

شأتي او لا شاتي ... مولاتي انتي و عشق الاحرار

احبك

جدا

و قلبي يبكي

و عيني تشكي

و انفاسي

نار

ياااااااااااااااااااااااااااااااااااااااا من تطفيني من بركان الشوق

يااااااااااااااااااااااااااااا من تسرقني من هم الوحده

و هم الغربه

و بعد الاهل

و ضلم الدار

يااااااااااااااااااااااااا امراة منذو ان جاءت

سرقتني النوم من عيني

و اسكنتني سفينة الاخطار

و ان مت فداك و ربي

و ربي ...

فانا الصحراء و انتي الامطار

عايد مرزوق العويس - المانيا..

الرجل الحديدي

وش جديدك

مات قلبي وسط ايدك

و الهوى جف ف وريدك

تلبس اثياب البراءه و تقتل ف كفك عضيدك

!!!!!!!!!!!!!!!!!!!!!!!!!!!!!!!

وش جديدي ؟؟

صاير الرجل الحديدي ^_^

لازم اضحك لجنابك حتى لو ماني سعيدي

...

تقول اضحك !! قلت اضحك!؟؟

هاااه حبيبي ذوق جرحك

انت غالي حيل غالي

تخنق الليل بعيوني تخفي صبحك

انت عالي حيل عالي

ولا زم اعبر في جروحي جبال ملحك

وش جديدك ؟؟؟

عمري ضايع هم و غربه

و جيتك اضحك

جيتك اضحك جيتك اضحك

جيتك اضحك

اض

حك

عايد مرزوق العويس - المانيا

الاثنين، 30 أبريل، 2012

ملازم فكري

ادري بك ملازم فكري و بالي .....

و جمر الغلا يا زيت الاشواق شبّك

لكن اريد اعيش دونك ليالي .....

و اشوف وشلون الحياه دون حبّك

وكاني فشلت و فرح ايامي زالي ....

بارجع مع جروحي لاحضان طبّك

باصعد على جروحي لانّك سمى لي ...

و لانّك وفي و تخاف بالحب ربّك

قلب ِ قضى بالهم عساه للزوالي

مافيه من الحب بس قول احبكّ

كاس الهوى اوّله طيب و زلالي

صبّاني حبّك ثم ف القلب صبّك

يا صاحبي ما دمت وافي و غالي

ابغى معاك اكثر من قول احبّك

مادام هالدنيا فناء و ارتحالي

و الموت ريح باي لحضه تهبّك

اقرب نعيش بحبنا بالحلالي

والا ابتعد لا اتسبني او اسبّك

عايد مرزوق العويس - المانيا

الاثنين، 23 أبريل، 2012

الفرق واضح

الفرق واضح بيننا وحيل ملموس ...... و اكمّل المشوار ويّاك مااقــدر

معك العمر عدّى مهموم متعوس ,..... لامهتني بنوم ٍ و لابزاد منسـر

راسك عنيد وتكسر احجار ٍ وروس ..... إتْصر على رأيك ولوكنت تخسر

ابحرت بي للظيم غرّقتني هْجوس.... وضاعت سنيني ماحوالينك البر

سلّبتني الفرح ثم دستني دوس .... شوّفتني نجمات الظهر الاحمـر

خْدود عــدواني تكرمها بالبوس ,,,,,,, و كم مرّة خــــدّي بكـفّك تعطّــر

لك خنجر ٍ بين المعاليق مغروس ..... من سبّته قلــــبٍ حبّك تحجّــر

ولك في حياتي غيم مازالته شموس .... وجرح ٍ ندي من عام وهو اخظر

لولا الخجل والعيب لاحوسها حوس ... و آخــذ بثاري منك يا بادي الشر

لكنّي باعلنها سن كاله الســـوس ... و اكمّل المشوار ويّاك ما اقـــــدر

موطن الرحمه

يامــــوطن الرّحمـــــــه و للعزّه الهام

ياللّي سلومك قارب ٍ للنـّجاتــــــــي

يا سيّد الخلق ونبي كل الآنـــــــام

سبحانه مْجمّلك بأحلى الــــصّفاتي

مهما قست فينا صلفــــــــات الأيـّام

وتكالب الطـّاغوت واهل الـرّداتـــــي

خل يزرعوا بدروبنا موت و الغــــــــام

بازوّد اصيــامي و أحـــْفظ صــــــلاتي

وابقى على سنـّتـْك و الدّين الاسلام

ما زلزلو هيهات شــــــيء من ثباتي

ولا طيع بك حاقد ولو ايش مـــــــالام

و لا اترك اسلامي لْحـــدّ الــــمماتي

فداك أهلي والرّفــــاقه و الأعمــــــام

فداك عمر ٍ فات أو عـــــمـْر آتـــــــــي

يابخته اللي شافك بطيـــف الاحــلام

و يابخته اللي يتـْـــبعك بالوصـــاتــي

يا موطن الرّحمه و للعــــزّه الهـــــام

عطّرْت في حبـّـك فـــــؤادي و ذاتي

عايد مرزوق العويس المانيا

الجمعة، 13 أبريل، 2012

{ نـــــــــــقــطة نظــــــــام }

÷÷÷÷÷÷÷÷÷÷÷÷÷÷÷÷÷÷

باتعلّم اختصر معك الكـــــــــــــــــلام

و اتعلّم أبتعد في هالغــــــــــــــــــرام

عل لو باكر لفى ما مـــــــــــــــــر بــك

ما أشوف الموت واحـــيا في ســــلام

ايه احبّك قلتـــها و آقــولــــــــــــــــهـا

بالغضب والـــــــطيش و بكل احــتـرام

ايه احبك تسألـــــي منذو متـــى ؟؟

من قبل ما تصبحـــــي { نقطة نظـام }

اسمعك و أذوب فــــــي كاس الـهنـا

و تصمتي و ارسمك بالــوان الكــلام

قرّبيني كان تبقيــــــــــــــني مــعك

مو حرام الصّد وعيــونك حـــــــــرام

ماابي منّك فلـوس ولا سنـــــــــــد

ابقى حبّك شمعه يلعن هالـــظلام

عايد مرزوق العويس ـ المانيا

عايد مرزوق العويس

المشاركات الشائعة